DÜNYA


Özbəkistanda vaksinasiyaya mart ayının birinci yarısından başlanılacaq

Daşkənd, 16 fevral, АZƏRTAC

Özbəkistanda COVID-19 virusuna qarşı vaksinasiyaya mart ayının birinci yarısından başlanılacaq.

AZƏRTAC xəbər verir ki, bu haqda Özbəkistan Sanitar-Epidemioloji İnspeksiyasının yaydığı məlumatda bildirilir.

Əhalini vaksinasiya etmək üçün indiyədək 3 138 peyvənd otağı və 820 mobil briqada yaradılıb.

Birinci növbədə vaksin yaşı 65-dən yuxarı olan vətəndaşlara, xroniki xəstəlikləri olanlara, tibb işçilərinə, müəllim və tərbiyəçilərə, hüquq-mühafizə orqanlarının əməkdaşlarına, həmçinin risk qrupunda olanlara vurulacaq.

Məlumatda qeyd edilir ki, Özbəkistan vaksin üzrə qlobal COVAX alyansına üzv olub və bu proqram vasitəsilə Rusiyanın “Sputnik V" vaksinini sifariş edib.

Bu ilin sonunadək 7 milyon nəfər və ya əhalinin 20 faizinin peyvənd olunması nəzərdə tutulur. Ölkədə Çin istehsalı olan vaksinin istifadəsi də gündəlikdədir.

Qulu Kəngərli

AZƏRTAC-ın xüsusi müxbiri

Daşkənd

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.