MƏDƏNİYYƏT


Özbəkistandakı Heydər Əliyev adına Azərbaycan Mədəniyyət Mərkəzi Qurban bayramı münasibətilə xeyriyyə aksiyası keçirib

Daşkənd, 1 avqust, АZƏRTAC

Özbəkistandakı Heydər Əliyev adına Azərbaycan Mədəniyyət Mərkəzi (AMM) Qurban bayramı münasibətilə xeyriyyə aksiyası keçirib.

Bayram münasibətilə AMM-də qurbanlar kəsilib, Mərkəz tərəfindən himayəyə götürülən kimsəsiz azərbaycanlı uşaqların da yaşadıqları və təhsil aldıqları Daşkənd şəhər 30 nömrəli internat evinə bayram sovqatı göndərilib.

Qeyd edək ki, AMM bundan başqa Daşkənd şəhərində yaşayan və maddi vəziyyəti zəif olan, aztəminatlı azərbaycanlı və özbək ailələrə də bayram sovqatları paylayıb.

Yerli azərbaycanlılar bu xeyriyyə aksiyasını yüksək qiymətləndirib, soydaşlarımıza göstərilən dəstəyə və diqqətə görə Azərbaycan dövlətinə və Prezident İlham Əliyevə minnətdarlıqlarını bildiriblər.

Qulu Kəngərli

AZƏRTAC-ın xüsusi müxbiri

Daşkənd

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.