MƏDƏNİYYƏT


Özbəkistanın “Caxon adabiyyati” jurnalında Azərbaycan yazıçılarının əsərləri çap olunub

Daşkənd, 12 sentyabr, АZƏRTAC

Özbəkistanın “Caxon adabiyyati” jurnalında Azərbaycan yazıçılarının əsərləri çap edilib.

AZƏRTAC xəbər verir ki, nəşrdə Azərbaycan Yazıçılar Birliyinin sədri, Xalq yazıçısı Anarın “Əlbəttə görüşərik” hekayəsi dərc edilib. Hekayəni orijinaldan özbək yazıçısı Mamatkul Hazratkulov çevirib.

Jurnalda Rəsul Rza, Fikrət Sadıq, Nəbi Xəzri, Abbas Abdulla, Yusif Həsənbəy, Eldar Baxış, Rüstəm Behrudi, Hidayət, Sultan Mərzili, Vaqif Bayatlı Önər, Fikrət Mursaqulov, Ayaz Arabaçı, Ülvi Bünyadzadə və İslam Türkayın şerləri çap olunub.

Şerləri isə ədəbiyyatımızın yaxın dostu, mərhum şair və tərcüməçi Usman Kuçkar və Uktamoy tərcümə edib.

Ümumiyyətlə, “Caxon adabiyyati” tez-tez Azərbaycanın şair və yazıçıları, alimlərinin əsərlərinə müraciət edir.

Qulu Kəngərli

AZƏRTAC-ın xüsusi müxbiri

Daşkənd

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.