MƏDƏNİYYƏT


Özbəkistanın “Zor TV” kanalında Xalq Artisti Zeynəb Xanlarova haqqında veriliş yayımlanıb VİDEO

Daşkənd, 16 iyun, АZƏRTAC

Özbəkistanın “Zor TV” kanalında Azərbaycanın və bu ölkənin Xalq Artisti Zeynəb Xanlarova haqqında veriliş yayımlanıb.

AZƏRTAC xəbər verir ki, proqramda Özbəkistanın mədəniyyət və incəsənət xadimləri, Zeynəb Xanlarovanı sevənlər, bu ölkənin Xalq Artisti, soydaşımız Nəsibə Abdullayeva, Daşkənddəki Heydər Əliyev adına Azərbaycan Mədəniyyət Mərkəzinin nəzdində fəaliyyət göstərən “Azərbaycan qızları” rəqs ansamblının rəhbəri, Azərbaycanın Əməkdar Artisti Kövkəb Əliyeva və s. iştirak ediblər.

Verilişdə qeyd edilib ki, “Mehr gözdə” adlı proqramın müəllifi və aparıcısı Asror Abrorxocayev Bakıda olub və Zeynəb Xanlarova ilə görüşüb. Verilişdə müəllifin Zeynəb Xanlarova ilə görüşdə aldığı müsahibə yayımlanıb və böyük sənətkarın Daşkənddəki konsertlərini və unudulmaz mahnılarını əks etdirən kadrlar təqdim olunub.

Bildirilib ki, Zeynəb Xanlarova 1980-ci, 1982-ci və 1998-ci illərdə Daşkənddə olub, paytaxtın ən böyük konsert salonunda sənətsevərləri sevindirib.

Verilişdə Azərbaycan şairi Dəmir Gədəbəylinin Zeynəb Xanlarova haqqında Bakıda lentə alınan fikirləri tamaşaçıların diqqətinə çatdırılıb.

Nəsibə Abdullayeva və Kövkəb Əliyeva Zeynəb Xanlarova ilə görüşlərindən danışıb, onun mahnılarını səsləndiriblər.

“Azərbaycan qızları” rəqs ansamblının üzvləri isə milli rəqslərimizi ifa ediblər.

 

Qulu Kəngərli

AZƏRTAC-ın xüsusi müxbiri

Daşkənd

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.