MƏDƏNİYYƏT


Özbəkistanın ekolog.uz portalında qədim Xudafərin körpüləri haqqında geniş material yer alıb

Daşkənd, 15 mart, АZƏRTAC

Özbəkistanın ekolog.uz portalı qədim Xudafərin körpüləri haqqında rus dilində geniş material verib.

AZƏRTAC xəbər verir ki, “Xudafərin körpüləri: qədim dövrdən bu günümüzə qədər” sərlövhəli məqalədə Araz çayı üzərində salınan bu iki körpünün tikilmə tarixi və əhəmiyyəti haqqında ətraflı söhbət açılır.

Bildirilir ki, bu körpülər memarlıq və bədii-texniki göstəricilərinə, yerli və regional əhəmiyyətinə görə nadir tikililərdən sayılır. Bu nadir körpülər XIX əsrdən başlayaraq Azərbaycanın ərazi bütövlüyünün simvoluna çevrilib.

Yazıda deyilir ki, Araz çayı üzərində zaman-zaman tikilən körpülərin ən populyar, möhkəm və davamlısı Xudafərin körpüləridir.

Məqalədə körpülərin Xəlifə Ömərin əmri ilə hicri təqvimi ilə 643-644-cü illərdə Bukayr ibn Abdullanın rəhbərliyi ilə tikildiyi bildirilir. 15 və 11 aşırımlı körpülər Böyük İpək Yolunun inkişafında da mühüm rol oynayıb və hərbi-strateji cəhətdən də müstəsna əhəmiyyəti olub.

Tarixi hadisələr sübut edir ki, qısa müddətdə Xudafərin körpüləri vasitəsilə şimala və cənuba böyük qoşun keçirmək mümkün olub.

Qulu Kəngərli

AZƏRTAC-ın xüsusi müxbiri

Daşkənd

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.