MƏDƏNİYYƏT


“Özbəkistanın mədəni irsi dünya muzeylərində” adlı beynəlxalq forumda Azərbaycan da təmsil olunur

Daşkənd, 10 dekabr, АZƏRTAC

Daşkənddə “Özbəkistanın mədəni irsi dünya muzeylərində” adlı beynəlxalq forum keçirilir.

AZƏRTAC xəbər verir ki, tədbirdə Müstəqil Dövlətlər Birliyi və Avropa ölkələrindən tarixçi alimlər, etnoqraflar, şərqşünaslar və ekspertlər iştirak edirlər.

Tədbirdə ölkəmizi Bakı Dövlət Universitetinin professoru Vaqif Sultanlı və Özbəkistandakı səfirliyimizin nəzdindəki Heydər Əliyev adına Azərbaycan Mədəniyyət Mərkəzinin direktoru Samir Abbasov təmsil edir.

Forum “Özbəkistan mədəni irsi dünya muzeylərində” seriyasından buraxılan albomların və çəkilən sənədli filmlərin təqdimatı ilə başlayıb. Sonra iştirakçılar “Özbəkistanın mədəni irsi dünya muzeylərində” sərgisi ilə tanış olublar.

Layihənin rəhbəri Özbəkistanın Əməkdar jurnalisti Firdavs Abduxalikov, elmi rəhbəri isə akademik Edvard Rtveladzedir.

Firdavs Abduxalikov forumu açaraq bildirib ki, indiyədək “Özbəkistanın mədəni irsi dünya muzeylərində” mövzusunda 20 nəfis albom buraxılıb. O, 2018-ci ilin nəticələri, 2019-cu ildə görüləcək işlər haqqında məlumat verib.

Özbəkistan Baş nazirinin müavini Aziz Abduxakimov bu münasibətlə layihənin müəlliflərini və alimləri təbrik edib. O, indiyədək çap olunan kitabların əhəmiyyətindən danışıb, bu istiqamətdə fəaliyyətini davam etdirən qrupa uğurlar arzulayıb.

Sonra müxtəlif mövzularda məruzələr dinlənilib.

Forum işini davam etdirir.

Qulu Kəngərli

AZƏRTAC-ın xüsusi müxbiri

Daşkənd

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.