Bakı 28 iyun (AZƏRTAC). PAŞA Bank və “British Council Azərbaycan”ın birgə təşkil etdikləri esse yarışmasının qalibləri məlum olmuşdur.

AZƏRTAC xəbər verir ki, iyunun 28-də qaliblərin mükafatlandırma mərasimi keçirilmişdir.

Qeyd edək ki, müsabiqə 3 mərhələdən ibarət olmuşdur. Qaliblərə sertifikatlar təqdim edilmiş və eyni zamanda, ilk 5 qalib “Kings College London”da təşkil olunan biznes və menecmentlik üzrə yay kurslarında iştirak hüququ qazanmışdır.