“PAŞA Sığorta” nizamnamə kapitalını 50 milyon manata çatdırmışdır

Bakı, 10 aprel (AZƏRTAC). Vergilər Nazirliyi “PAŞA Sığorta” ASC-nin nizamnamə kapitalının yeni həcmini 50 milyon manat olaraq qeydiyyata almışdır. 

Şirkətdən AZƏRTAC-a bildirmişlər ki, nizamnamə kapitalının artırılması şirkətin ötən ildəki fəaliyyətinin nəticələrinin təhlili əsasında və üç illik strateji inkişaf planı çərçivəsində səhmdarlar tərəfindən həyata keçirilmişdir. Bu ilin fevralında “PAŞA Sığorta” Maliyyə Nazirliyi tərəfindən təkrarsığorta fəaliyyətinin həyata keçirilməsi ilə bağlı müddətsiz lisenziya əldə etmişdir.