POÇT VƏ RABİTƏ MÜƏSSİSƏLƏRİ XİDMƏTİN HƏCMİNİ XEYLİ ARTIRMIŞLAR

Cari ilin yeddi ayında ölkəmizdə poçt və rabitə müəssisələri tərəfindən idarə və təşkilatlara, habelə əhaliyə 622,59 milyard manatlıq xidmət göstərilmişdir. Bu, ötən ilin müvafiq dövründəkindən 22 faiz çoxdur.

Dövlət Statistika Komitəsindən müxbirimizə bildirmişlər ki, bu növ fəaliyyətlə məşğul olan özəl müəssisələrin göstərdikləri xidmətin ümumi həcmi isə 28,4 faiz artmışdır.

Mobil telefon rabitəsindən əldə olunan gəlirin həcmi 356 milyard manata, bu xidmətdən istifadə edən abonentlərin sayı isə 901 min nəfərə çatmışdır.