DÜNYA


Pakistanda avtomobil qəzası nəticəsində 12 nəfər həlak olub

Bakı, 13 may, AZƏRTAC

Pakistanın şimal-şərqində yerləşən Pəncab əyalətində yük maşınının sərnişin daşıyan iki mikroavtobusla toqquşması nəticəsində azı 12 nəfər həlak olub.

AZƏRTAC “Dawn” qəzetinə istinadla xəbər verir ki, hadisə Kot Ladha yaşayış məntəqəsi yaxınlığında Qucranvala-Hafizabad şəhərlərarası avtomobil trasında baş verib. Yüksək sürətlə hərəkət edən yük maşını ard-arda iki mikroavtobusa çırpılıb.

İnsident nəticəsində, həmçinin səkkiz nəfər müxtəlif dərəcəli xəsarətlər alıb. Yaralılar yaxınlıqdakı xəstəxanalara yerləşdirilib.

Yük avtomobilinin sürücüsünün hadisə yerindən qaçdığı bildirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.