DÜNYA
Pakistanda terror aktı nəticəsində ölənlərin sayı 12 nəfərə çatıb [YENİLƏNİB]
Pakistanın şimal-şərqindəki Mardan şəhərində məhkəmə binasının qarşısında baş verən partlayış nəticəsində ölənlərin sayı 12-yə çatıb, 52 nəfər isə yaralanıb. Bu barədə Reuters agentliyi məlumat yayıb.
Xilasedicilər bildiriblər ki, ölənlər arasında vəkillər, polislər və mülki şəxslər var.
11:14
Bakı, 2 sentyabr, AZƏRTAC
Pakistanın şimal-qərbində yerləşən Xeybər-Paxtunxva əyalətinin Mardan dairəsində rayon məhkəməsinin binası qarşısında baş verən iki partlayış nəticəsində azı 10 nəfər həlak olub, 40 nəfər isə müxtəlif dərəcəli xəsarətlər alıb.
AZƏRTAC AFR agentliyinə istinadla xəbər verir ki, bir nəfər yaraqlı məhkəmə binasına tərəf qumbara atıb və ardınca əsas girişin qarşısında bədəninə bağladığı partlayıcı qurğunu işə salıb.
İnsident nəticəsində həyatını itirənlərin arasında 2 polis əməkdaşının olduğu bildirilir.