CƏMİYYƏT


Pandemiya 1200-dən çox jurnalistin həyatına son qoyub

Madrid, 4 may, AZƏRTAC

2020-ci ildə COVID-19 pandemiyası dünyada 1227 jurnalistin həyatına son qoyub.

AZƏRTAC xəbər verir ki, “Press Emblem Campaign” (PEC) təşkilatı bunu Ümumdünya Mətbuat Azadlığı Günündə bildirib.

Peşə fəaliyyəti zamanı jurnalistlərin həlak olmasını hər il izləyən qeyri-hökumət təşkilatı, COVID-19-dan dünyasını dəyişən mütəxəssislərin yarısından çoxunun Latın Amerikasından (668 nəfər) olduğunu açıqlayıb. Asiyada 281, Avropada 175, Afrikada 56, Şimali Amerikada isə 47 jurnalist həlak olub.

Təşkilatın baş katibi Blez Lempenin sözlərinə görə, bu misilsiz faciə və peşə üçün böyük bir itkidir.

Ölkələrə gəldikdə, COVID-19 səbəbi ilə jurnalistlərin ölüm hallarının əksəriyyəti Braziliyada (187) qeydə alınıb, ondan sonra Peru (140), Hindistan (130) və Meksika (109) yer alıblar.

PEC yeni yoluxma hallarının güclü dalğasını yaşayan və yalnız son iki həftə ərzində COVID-19 səbəbi ilə ən azı 50 jurnalistin ölümü barədə məlumat verilən Hindistana da diqqət yetirib.

Nigar Cəfərli

AZƏRTAC-ın xüsusi müxbiri

Madrid 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.