DÜNYA


Papua-Yeni Qvineyada ölüm cəzası ləğv olunub

Bakı, 21 yanvar, AZƏRTAC

Papua-Yeni Qvineya parlamenti ölkədə ölüm cəzası haqqında qanunu ləğv edib.

AZƏRTAC xəbər verir ki, bu barədə Post-Courier qəzeti məlumat yayıb. Qəzetin məlumatına görə, indi qəsdən adamöldürmə, zorlama, güc tətbiqi ilə qarət, dövlətə xəyanət və dəniz quldurluğu kimi ağır cinayət törədənlər ömürlük həbs cəzasına məhkum olunacaq. Bundan əvvəl ölüm cəzasına məhkum edilənlər isə 30 il ərzində vaxtından əvvəl şərti azadlığa buraxılmaq hüququnu itirirlər.

Qəzet qeyd edir ki, ölkənin hakimiyyət orqanları ölüm cəzasını onun icrası üçün inzibati mexanizmlər və infrastruktur olmaması səbəbindən ləğv ediblər. Ölkədə ölüm hökmü sonuncu dəfə 1954-cü ildə icra olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.