İDMAN


Paracüdoçularımız beynəlxalq Qran-Pri yarışlarına uğurla start veriblər

Bakı, 13 may, AZƏRTAC

Bakıda paracüdo üzrə beynəlxalq Qran-Pri yarışı davam edir.

AZƏRTAC xəbər verir ki, kişilərin yarışında Vüqar Şirinli (60 kq) Meksika idmançısı Brayan Gerardo Aburto Beltrana qalib gəlib. Təmsilçimiz növbəti mərhələdə rusiyalı Zaur Cabrayılov ilə üz-üzə gələcək.

Turnirdə 66 kiloqram çəki dərəcəsində çıxış edən milli komandamızın üzvü Namiq Abbaslı Portuqaliya idmançısı Migel Vieyranı, Ramil Qasımov (73 kq) isə yaponiyalı Takamasa Naqaini məğlub edib. Növbəti mərhələdə N.Abbaslı özbəkistanlı Utkirjon Niqmatov, R.Qasımov Ukrayna cüdoçusu Sergey Kotenko ilə üz-üzə gələcək.

Qadınların mübarizəsində isə cüdoçumuz Bəsti Səfərova (52 kq) Argentina idmançısı Dure Rosio Ledesmanı, Sevda Vəliyeva (57 kq) ABŞ təmsilçisi Marissa Arndtı üstələyərək növbəti mərhələyə adlayıblar. Növbəti mərhələdə hər iki idmançımızın rəqibləri Özbəkistan idmançıları olacaqlar. Belə ki, B.Səfərova Sevinc Salayevaya, S.Vəliyeva isə Pərvina Samandarova ilə qarşılaşacaqlar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.