İDMAN


“Paris Sen-Jermen” klubunun rəhbərliyi Kilian Mbappeni Karim Adeyemi ilə əvəzləməyi planlaşdırır

Bakı, 26 oktyabr, AZƏRTAC

Fransanın “Paris Sen-Jermen” klubu gələn ilin yayında komandadan ayrılmağı düşünən Kilian Mbappeni əvəzləmək üçün hücumçu axtarışlarını davam etdirir.

AZƏRTAC xəbər verir ki, klub rəhbərliyi K.Mbappeni İsveçrənin “Red Bull Zalstburq” komandasında forma geyinən almaniyalı Karim Adeyemi ilə əvəzləməyi hədəfləyir. K.Adeyemi cari mövsümdə “Red Bull Zalstburq”un heyətində 18 matç keçirib və 14 qola imza atıb. Onun klubla qüvvədə olan müqaviləsi 2024-cü il iyunun 30-da başa çatacaq.

2017-ci ildən “Paris Sen-Jermen”də forma geyinən K.Mbappenin klubla müqaviləsinin müddəti gələn il iyunun 30-da başa çatacaq. Fransalı futbolçu cari mövsümdə ölkə çempionatında meydana çıxdığı 11 oyunda 5 qol vurub və 4 məhsuldar ötürmə edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.