CƏMİYYƏT


Parisdə keçirilən beynəlxalq konfransda Azərbaycanda məhkəmə islahatları zamanı toplanmış müsbət təcrübədən danışılıb

Bakı, 16 sentyabr, AZƏRTAC 

Azərbaycan Respublikası Ali Məhkəməsinin sədri Ramiz Rzayevin rəhbərlik etdiyi nümayəndə heyəti Avropa Şurasına üzv dövlətlərin Ali məhkəmələrinin sədrlərinin Parisdə keçirilən konfransında iştirak edib.

Ali Məhkəmənin mətbuat xidmətindən AZƏRTAC-a bildiriblər ki, Fransanın Avropa Şurası Nazirlər Komitəsində sədrliyi dövründə Kassasiya Məhkəməsi, Konstitusiya Şurası və Dövlət Şurasının birgə təşkilatçılığı ilə keçirilən konfransın əsas məqsədi məhkəmə sədrləri üçün ümumi maraq kəsb edən mövzular ətrafında fikir mübadiləsinin aparılması, insan haqlarının təmin edilməsi, məhkəmələrin üzləşdiyi mövcud problemlərin həlli ilə bağlı təcrübələrin paylaşılması olub.

Konfransın birinci günündə Fransa Respublikasının Prezidenti Emmanuel Makron Avropa Şurasına üzv dövlətlərin Ali məhkəmələrinin sədrlərini qəbul edib. Qəbulda beynəlxalq hüququn müxtəlif istiqamətləri ilə bağlı səmərəli fikir mübadiləsi aparılıb.

Tədbirdə məhkəmədə hüquq müdafiəsinin səmərəli vasitələri, milli məhkəmələr ilə İnsan Hüquqları üzrə Avropa Məhkəməsi arasında münasibətlər, şəxsi və ailə həyatına hörmət hüququ ilə ifadə azadlığının toqquşması mövzularında çıxışlar edilib.

Konfransda Fransa Kassasiya Məhkəməsinin sədri, Konstitusiya Şurasının sədri, Dövlət Şurasının sədr müavini, Ədliyyə naziri, İnsan Hüquqları üzrə Avropa Məhkəməsinin sədri, Avropa Şurasının baş katibi və digər məsul şəxslərin məruzələri dinlənilib. Məruzələr ətrafında geniş müzakirələr aparılıb.

Ali Məhkəmənin sədri bir sıra ölkələrin Ali məhkəmələrinin sədrləri və digər rəsmilərlə görüş və söhbətlərində Azərbaycanda məhkəmə islahatı zamanı toplanmış müsbət təcrübəni diqqətə çatdırıb, sualları cavablandırıb. Maraq doğuran söhbətlər zamanı Azərbaycanın məhkəmə təcrübəsinə və aparılan islahatlara xüsusi diqqət göstərilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.