DÜNYA


Parisdə yanğın nəticəsində 8 nəfər həlak olub

Bakı, 5 fevral, AZƏRTAC

Son məlumata əsasən, Parisdə baş verən güclü yanğın nəticəsində azı 8 nəfər həlak olub, 30 nəfər isə müxtəlif dərəcəli xəsarətlər alıb. Onlardan bəzilərinin vəziyyətinin xüsusilə ağır olduğu bildirilir.

AZƏRTAC TASS informasiya agentliyinə istinadla xəbər verir ki, bu barədə məlumatı Paris prokuroru Remi Heyts BFMTV telekanalının efirində səsləndirib.

Qeyd edək ki, insident fevralın 4-dən 5-nə keçən gecə yerli vaxtla saat 01:00-da Parisin 16-cı dairəsində yerləşən Erlanje küçəsindəki doqquzmərtəbəli binanın yuxarı mərtəbələrində baş verib. Sürətlə yayılan alovun söndürülməsinə 200-dən çox yanğınsöndürən cəlb olunub.

Hazırda hadisə yerində təhqiqat aparılır. Yanğının qəsdən törədildiyi ehtimal edilir. Belə ki, faciədən öncə sakinlər arasında ciddi mübahisə olub.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.