DÜNYA


Paşinyan: Ermənistan KTMT-dən çıxa bilər

Bakı, 1 oktyabr, AZƏRTAC

Ermənistanın baş naziri Nikol Paşinyan İrəvanın Kollektiv Təhlükəsizlik Müqaviləsi Təşkilatında (KTMT) üzvlüyünü dayandıra biləcəyini mümkün hesab edir.

AZƏRTAC xəbər verir ki, Nikol Paşinyan bunu Armenpres agentliyinə müsahibəsində bildirib.

“Bu yaxınlarda KTMT-dən olan bir sıra həmkarlarımla təmaslar nəticəsində müşahidə etdim ki, təşkilat Ermənistanda ictimai əhval-ruhiyyənin çox sürətlə inkişaf etdiyini qeydə alır. Söhbət zamanı hətta Ermənistanın KTMT-dən çıxmaq qorxusunun olduğu deyilirdi. Mən isə bunun əksi olan fikir formalaşdırdım, mənim reaksiyam belə oldu ki, KTMT-nin Ermənistanı tərk edəcəyi qorxusu var”, - Paşinyan müsahibəsində belə deyib.

O, bunun “sadəcə söz oyunu deyil, çox ciddi məzmun olduğunu” vurğulayaraq qeyd edib ki, əvvəllər KTMT-də təhlükəsizlik məsələləri müzakirə edilərkən, Ermənistan sərhədinin “KTMT üçün qırmızı xətt” olduğuna dair aydın təminat alıb”.

“Ötən il Sotk və Xoznavarda hadisələr baş verəndə biz təbii ki, KTMT-yə üz tutduq və çox qəribə cavab aldıq: sərhəd demarkasiya və delimitasiya olunmayıb. Ona görə də sual yarandı: belədirsə, bu qırmızı xətt haradan keçir?”, - deyə Ermənistanın baş naziri vurğulayıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.