REGİONLAR


Payızda Balakəndə 1000 hektar sahədə yeni fındıq bağları salınacaq

Balakən, 23 oktyabr, Mustafa Dadaşov, AZƏRTAC

Azərbaycan Prezidentinin kənd təsərrüfatının ixrac potensialı yüksək olan sahələrindən fındıqçılığın inkişaf etdirilməsi ilə bağlı verdiyi tapşırıqlar Balakən rayonunda da uğurla icra olunur. Belə ki, cari ilin yaz aylarında rayonda 662 hektar sahədə yeni fındıq bağları salınıb. Payız mövsümündə isə rayon ərazisində daha 1000 hektar sahədə yeni bağların salınması nəzərdə tutulur. Fındıq pöhrələrinin əkiləcəyi ərazilər artıq müəyyənləşdirilib. Əkin kampaniyasına yaxın günlərdə başlanılacaq.

Bu barədə AZƏRTAC-a rayon icra hakimiyyəti aparatının şöbə müdirinin müavini Turan Dibirov məlumat verib.

Hazırda rayonda mövcud fındıq bağlarının ümumi sahəsi 7 min 930 hektardır. Bu bağların 2 min 264 hektarı son iki ildə salınıb. 2016-cı ildə fındıq bağlarından 4 min ton məhsul tədarük olunub. Rayon əhalisi fındıq istehsalından 12 milyon manat gəlir əldə edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.