REGİONLAR


Payızlıq əkinlər: Bu günədək Azərbaycanda 826287 hektar sahədə şum aparılıb

Bakı, 28 oktyabr, AZƏRTAC

Payızlıq əkinlərlə əlaqədar bu günədək Azərbaycanda 826287 hektar sahədə şum aparılıb. Bu, proqnozlaşdırılan əkin sahəsinin 81,3 faizini təşkil edir.

Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsindən AZƏRTAC-a bildiriblər ki, oktyabrın 28-dək 200818 hektar sahədə səpin həyata keçirilib, o cümlədən 84961 hektar sahədə buğda səpini, 115857 hektar sahədə arpa səpini aparılıb. Səpin zamanı 14816.2 ton sertifikatlaşdırılmış buğda, 13007.4 ton sertifikatlaşdırılmış arpa toxumundan istifadə olunub.

Füzuli, İmişli, Oğuz, Qubadlı, Salyan, Sabirabad, Xocalı, Yevlax və Zəngilan rayonlarında şum proqnozlaşdırılan əkin sahəsinə nisbətən 100 faiz yerinə yetirilib. Ağcabədi rayonunda şum proqnozlaşdırılan əkin sahəsinə nisbətən 98,2 faiz, Ağdaş rayonunda 93,1 faiz, Ağstafa rayonunda 95,2 faiz, Quba rayonunda 98,1 faiz, Saatlı rayonunda 95 faiz, Qəbələ rayonunda 97 faiz yerinə yetirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.