ELM VƏ TƏHSİL


Paytaxt məktəblərində “Eko-təqdimatlar” layihəsinə başlanılıb

Bakı, 7 mart, AZƏRTAC 

Bakı Şəhəri üzrə Təhsil İdarəsinin (BŞTİ) tabeliyindəki ümumtəhsil müəssisələrində “Eko-təqdimatlar” layihəsinə başlanılıb.

BŞTİ-dən AZƏRTAC-a bildiriblər ki, layihənin əsas məqsədi şagirdlərin milli sərvətlərimiz, dəyərlərimiz və digər aktual ekoloji mövzular üzrə məlumatlandırılmasıdır.

BŞTİ və SOCAR-ın Ekologiya İdarəsi mütəxəssislərinin birgə əməkdaşlığı ilə təşkil olunan müxtəlif aktual ekoloji mühazirələrə müvafiq istiqamətlər üzrə tədqiqatlar aparan ekoloqlar, ekspertlər dəvət olunacaqlar.

Bir təqvim ayı ərzində ən azı on təqdimatın təşkili nəzərdə tutulur.

Şagirdlər üçün maraqlı olan təqdimatların keçirilməsinə martın 1-dən başlanılıb.

Qeyd edək ki, artıq iki ümumtəhsil müəssisəsində “Azərbaycanın biomüxtəlifliyi” mövzusunda təqdimat, bir məktəbdə isə “Ekoloji monitorinq nədir“ mövzusunda praktik dərs keçirilib.

Tədris ilinin sonunadək paytaxtdakı ümumtəhsil məktəblərində təqdimatların keçirilməsi nəzərdə tutulub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.