ELM VƏ TƏHSİL


Paytaxt məktəblərinin Gənclərin çağırışaqədərki hazırlığı rəhbərləri ilə onlayn görüşü

Bakı, 2 iyul, AZƏRTAC 

Paytaxtın ümumtəhsil məktəblərinin Gənclərin çağırışaqədərki hazırlığı (GÇH) rəhbərləri ilə onlayn görüş keçirilib.

Bakı Şəhəri üzrə Təhsil İdarəsindən AZƏRTAC-a bildirilib ki, görüşdə tədris ilinin yekunları ilə bağlı fikir mübadiləsi aparılıb, pandemiya dövründə müəllimlərin fəaliyyəti müzakirə olunub və onları maraqlandıran məsələlərə aydınlıq gətirilib. Həmçinin məktəblərin GÇH rəhbərlərinin bilik və bacarıqlarının inkişaf etdirilməsi, yeniyetmə və gənclərin vətənpərvərlik tərbiyəsi işinin keyfiyyətinin yüksəldilməsi ilə bağlı həyata keçirilən işlər barədə hesabatlar dinlənilib.

Onlayn görüşdə tədris ili ərzində GÇH rəhbərlərinin fəaliyyəti zamanı qarşıya çıxan məsələlər müzakirə olunub və onlara müvafiq tövsiyələr verilib. Mövcud sanitar-epidemioloji vəziyyətlə bağlı evdə qalan şagirdlərin fiziki fəallığını artırmaq, məktəblilərin hərbi xidmətə hazırlıq səviyyəsini yüksəltmək və onlarda vətənpərvərlik hisslərini gücləndirmək məqsədilə mütəmadi olaraq görülən işlərin müzakirəsi və qiymətləndirilməsi aparılıb.

Görüşdə ötən illə müqayisədə bu il şagirdlərin hərbi məktəblərə sənəd qəbulunda artım müşahidə olunduğu diqqətə çatdırılıb. Təlimə Dəstək Mərkəzinin təşkilatçılığı ilə keçirilən görüşdə Nizami rayonu məktəblərində çalışan GÇH rəhbərləri iştirak ediblər. Onlayn görüşlər paytaxtın bütün rayonları üzrə ümumi təhsil məktəblərində çalışan GÇH rəhbərlərini əhatə edəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.