İQTİSADİYYAT


Paytaxtda bəzi yol kəsişmələrində işıqforların fəaliyyətində dəyişikliklər olunub

Bakı, 23 yanvar, AZƏRTAC

Bakı Nəqliyyat Agentliyi tərəfindən mütəmadi olaraq nəqliyyat axınının idarə olunması, sıxlıqların aradan qaldırılması məqsədilə işıqforların vaxt planlarının təhlili və nəqliyyat axınına uyğun olaraq dəyişdirilməsi işləri həyata keçirilir.

Agentlikdən AZƏRTAC-a bildirilib ki, vətəndaşların da müraciətləri nəzərə alınmaqla, bu çərçivədə daha 4 ərazi üzrə araşdırmalar aparılıb və müvafiq dəyişikliklər icra edilib.

Edilən dəyişikliklərə əsasən, Ziya Bünyadov prospektinin Atatürk prospekti ilə kəsişməsində və Süleyman Sani Axundov küçəsinin Şövkət Məmmədova küçələrinin kəsişməsində əlavə daimi sağadönmə bölməsi quraşdırılıb, Həsən bəy Zərdabi küçəsinin İsmayıl Talıblı küçəsi ilə kəsişməsində işıqforun vaxt planına dəyişiklik edilib, İlqar Əhlimanov və Elman Qasımov küçələrinin kəsişmələrində əlavə sağadönmə bölməsi çıxarılıb.

İlkin müşahidələrə əsasən, dəyişikliklər qeyd edilən yol kəsişmələrində nəqliyyat şəraitinin yaxşılaşmasına səbəb olub, nəqliyyat növbəsinin uzunluğu 50-80 faizədək azalıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.