CƏMİYYƏT


Paytaxtda ən çox yoluxma halları Yasamal, Nəsimi və Sabunçuda qeydə alınıb

Bakı, 22 may, AZƏRTAC

Paytaxtda ən çox yoluxma faktı Yasamalda qeydə alınıb. Belə ki, paytaxt üzrə yoluxma hallarının 16 faizi həmin rayonun payına düşür.

AZƏRTAC xəbər verir ki, bunu bu gün Nazirlər Kabineti yanında Operativ Qərargahın təşkil etdiyi mətbuat konfransında Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlı deyib.

R.Bayramlı bildirib ki, Nəsimi rayonunda bu rəqəm 14,8, Sabunçuda 13,8, Nərimanovda 11,3, Binəqədidə 10,6, Xətaidə 9,4, Qaradağda 8,4, Suraxanıda 5,4, Nizamidə 4,9, Xəzərdə 3,1, Səbaildə 1,8, Pirallahıda 0,4 faizə bərabərdir.

O, həmçinin deyib: “Günlər ərzində 7 minə yaxın testlər icra olunub. Müsbət nəticələrin ümumi müayinələrdə payı 1,5 faizə yaxındır. Həftəlik orta rəqəm isə təxminən 2,4 faiz təşkil edir. Ümumi testlərdə müsbət nəticələrin payı sərt karantin rejimi ilə müqayisədə 0,3-0,5 faizdən 2,4 faizə qədər yüksəlib. Ötən həftə isə bu nisbət 2,9 faizə qədər artıb”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.