CƏMİYYƏT


Paytaxtın Sabunçu rayonunda birmərtəbəli evdə partlayış baş verib

Bakı, 25 yanvar, AZƏRTAC

Bakının Sabunçu rayonunda ümumi sahəsi 50 kvadratmetr olan birmərtəbəli evdə yanğınla nəticələnən partlayış baş verib.

Fövqəladə Hallar Nazirliyinin mətbuat xidmətindən AZƏRTAC-a bildiriblər ki, partlayışın təsirindən evin divarları dağılıb, dam örtüyü yerindən çıxıb. Hadisə nəticəsində evə bitişik, ümumi sahəsi 22 kvadratmetr olan birmərtəbəli ev yanıb. Hadisə zamanı bir nəfər yanıq xəsarətləri alıb. Ona təcili və təxirəsalınmaz tibbi yardım tərəfindən ilkin yardım göstərilib. Yaxınlıqdakı evlər yanğından mühafizə olunub.

Alov yanğından mühafizə bölmələri tərəfindən söndürülüb.

İlkin ehtimala görə, partlayış məişət qazının sızması nəticəsində baş verib. Hadisə ilə əlaqədar müvafiq qurumlar tərəfindən təhqiqat aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.