CƏMİYYƏT


Paytaxtın Suraxanı rayonunda söyüd ağacının kəsilməsi nəticəsində təbiətə 1800 manat ziyan dəyib

Bakı, 21 noyabr, AZƏRTAC 

Ekologiya və Təbii Sərvətlər Nazirliyinin Bakı şəhər Ekologiya və Təbii Sərvətlər Departamentinin əməkdaşları ətraf mühitin mühafizəsi sahəsində qanunvericiliyin tələblərinə riayət olunmasını yoxlamaq məqsədilə reyd keçiriblər.

Nazirliyin mətbuat xidmətindən AZƏRTAC-a bildiriblər ki, reyd zamanı Suraxanı rayonunun Hövsan qəsəbəsi, O.Şabanov küçəsində diametri 44 santimetr olan yaşköküstə söyüd ağacının icazəsiz kəsildiyi aşkarlanıb.

Araşdırma zamanı ağacın rayon sakini Allahverdi Rzayev tərəfindən kəsildiyi müəyyənləşib. Faktla bağlı təqsirkar barəsində akt tərtib edilib və təbiətə 1800 manat məbləğində ziyan dəydiyi məlum olub.

Dəymiş ziyanın məbləği cinayət tərkibi yaratdığından toplanmış materiallar məsələyə hüquqi qiymət verilməsi və təqsirkar barəsində qanunauyğun tədbir görülməsi üçün Suraxanı Rayon Prokurorluğuna göndərilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.