Bakı, 21 yanvar (AZƏRTAC). Bakının Nobel və Babək prospektləri genişləndiriləcəkdir. Babək prospektinə çıxışı təmin edəcək Xəqani Rüstəmov küçəsində isə yenidənqurma işlərinə artıq başlanılmışdır.

“Azəryolservis” ASC-nin mətbuat xidmətindən AZƏRTAC-a bildirmişlər ki, hazırda küçədə kommunikasiya xətlərinin dəyişdirilməsi işləri görülür.

Qeyd edilmişdir ki, 6 zolaqlı yolun uzunluğu 1,17 kilometr, eni isə 45 metr olacaqdır. Qaraçuxur qəsəbəsindən Yusif Səfərov küçəsi ilə Heydər Əliyev prospektinin kəsişməsinədək uzanan Babək prospekti tamamilə yenidən qurulacaqdır. Prospekt ətrafındakı bir sıra obyektlər söküləcək və yol genişləndiriləcəkdir.