İQTİSADİYYAT


Paytaxtın kimya sənayesində məhsul buraxılışı azalıb

Bakı, 14 fevral, AZƏRTAC

Bakının kimya sənayesində məhsul buraxılışı azalıb.

AZƏRTAC Bakı Şəhər Statistika İdarəsinin yaydığı hesabata istinadla xəbər verir ki, keçən il kimya sənayesi, əczaçılıq, rezin və plastik kütlə məmulatlarının istehsalı sahələrində 284,8 milyon manatlıq məhsul istehsal edilib. Əvvəlki illə müqayisədə məhsul buraxılışı kimya sənayesində 13,8 faiz, əczaçılıq məhsullarının istehsalında 9,4 faiz azalıb, rezin və plastik kütlə məmulatlarının istehsalında isə 49,8 faiz artıb.

Əsas kimya məhsullarından azot istehsalı 46,3 faiz, oksigen istehsalı 33,8 faiz çoxalıb.

Rezin və plastik kütlə məmulatlarından bərk polietilen borular, borucuqlar, şlanqlar, qolların istehsalı əvvəlki illə müqayisədə 2,3 dəfə artıb, polietilen kisə və çantaların istehsalı 1,4 faiz, liflə armaturlaşdırılmış sair bərk plastik borular, borucuqlar, qollar, şlanqların istehsalı isə 42,8 faiz azalıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.