ELM VƏ TƏHSİL


Pedaqoji Universitetdə Gənc Müəllimlər Assosiasiyasının üzvləri ilə görüş olub

Bakı, 27 noyabr, AZƏRTAC

Azərbaycan Dövlət Pedaqoji Universiteti Təhsil Könüllüləri İctimai Birliyinin (ADPU TKİB) təşkilatçılığı ilə Azərbaycan Gənc Müəllimlər Assosiasiyasının (AGMA) üzvləri ilə tələbələrin görüşü təşkil edilib.

ADPU-dan AZƏRTAC-a bildirilib ki, görüş zamanı AGMA-nın gənc müəllimlər üçün yaratdığı fəaliyyət istiqamətləri barədə məlumat verilib. AGMA-nın sədri Rüfət Əsədzadə tələbələrə “Tələbə, məzun yox, təcrübəli məzun” mövzusunda təlim keçib.

Görüşdə “gencmuellim.az” platformasının əhəmiyyəti barədə ətraflı məlumat verilib. Bildirilib ki, platforma müəllimlərə davamlı öyrənmə imkanları yaradır. Hazırda platformada 3500-dən çox aktiv müəllim və 18 müxtəlif kurs mövcuddur.

Tələbələrin xüsusi maraq göstərdiyi görüşün sonunda onları maraqlandıran suallara cavab verilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.