CƏMİYYƏT


Pediatrlar bəzi uşaqların daha sağlam olmasının sirlərini araşdırıblar

Bakı, 11 dekabr, AZƏRTAC

Tənəffüs sistemində bakteriya müxtəlifliyi çox olan uşaqların orqanizmi soyuqdəyməyə daha dayanıqlı olur. Alimlərin fikrincə aparılan araşdırmalar nəticəsində əldə olunan bu kəşf viruslar səbəbindən meydana gələn bir sıra xəstəliklərin qarşısını almağa kömək edə bilər.

AZƏRTAC xarici saytlara istinadla xəbər verir ki, müşahidələrdən bəlli olduğu kimi tənəffüs sisteminin sağlamlığı üçün mikrofloranın müxtəlifliyi vacibdir. Mütəxəssislər bu nəticəyə 167 uşağın mikroflora nümunələrinin analizləri əsasında gəliblər. Bu təhlillər soyuqdəymənin ilk simptomları görüldükdə və təkrar olaraq üç həftə sonra aparılıb.

Nəticələrdən bəlli olub ki, tənəffüs sistemində bakteriya müxtəlifliyi virus infeksiyalarından daha tez sağalmağa kömək edir.

Eyni zamanda, mütəxəssislər onu da qeyd ediblər ki, mütəmadi olaraq soyuqdəymədən əziyyət çəkən uşaqlarda gələcəkdə astma yaranma ehtimalı çox yüksəkdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.