İDMAN


“Pekin-2022”: Çin yığması medal sıralamasında ABŞ-ı qabaqlayaraq üçüncü yerə yüksəlib

“Pekin-2022”: Çin yığması medal sıralamasında ABŞ-ı qabaqlayaraq üçüncü yerə yüksəlib

Bakı, 19 fevral, AZƏRTAC

Qış Olimpiya Oyunlarının ev sahibi - Çin idmançıları bu gün daha bir qızıl medal qazanıb və medal sıralamasında ABŞ-ı qabaqlayaraq üçüncü yerə yüksəlib. Hazırda ÇXR komandasının aktivində 9 qızıl, 4 gümüş və 2 bürünc medal var.

AZƏRTAC xəbər verir ki, yarışların başa çatmasına bir gün qalmış Norveç yığmasının medal cədvəlində liderliyi davam edir. Hesabında 15 qızıl, 8 gümüş və 12 bürünc medal olan Norveç komandasının yarışları birinci pillədə başa vuracağı artıq şübhə doğurmur. Belə ki, onun ən yaxın izləyicisi - Almaniya yığması hələlik 11 qızıl, 8 gümüş və 5 bürünc medala sahibdir. Dördüncü yerdə 8 qızıl, 9 gümüş və 7 bürünc medalla ABŞ komandası qərarlaşıb. İlk beşliyi İsveç komandası tamamlayır (8,5,5).

Yarışlarda indiyədək yalnız 29 ölkə medal qazana bilib.

Xatırladaq ki, “Pekin-2022” Qış Olimpiya Oyunlarında 91 ölkədən 2800-dən çox idmançı iştirak edir. Onlar idmanın 15 növü üzrə 109 dəst medal uğrunda mübarizə aparırlar.

Olimpiada sabah yekunlaşacaq. Oyunların bağlanış mərasimi Bakı vaxtı ilə saat 16:00-da başlayacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.