İDMAN


“Pekin-2022” Qış Olimpiya Oyunlarının sınaqları başlayıb VİDEO

Pekin, 9 oktyabr, AZƏRTAC

Gələn ilin fevralında Pekində keçiriləcək növbəti Qış Olimpiya və Paralimpiya oyunlarının sınaqları başlayıb.

AZƏRTAC oyunların təşkilat komitəsinə istinadla xəbər verir ki, dekabrın sonunadək davam edəcək sınaqlar zamanı yerli və xarici idmançılar, texniki heyət Pekin və bəzi yarışların keçiriləcəyi Canciakou şəhərindəki arenalarda yarış elementlərini, eləcə də avadanlığı, yarış əməliyyatlarının və fövqəladə vəziyyətlərin idarəolunmasını sınaqdan keçirəcəklər. Sınaqlara xaricdən təxminən 2 min idmançı və texniki işçi cəlb olunacaq.

İlkin olaraq sürətli konkisürmə yarışlarının sınaqlarına başlanılıb. Bu sınaqlarda Çin, Niderland və Cənubi Koreya idmançıları iştirak edirlər.

Qeyd edək ki, “Pekin-2022” Qış Olimpiya Oyunları fevralın 4-22-də, Paralimpiya Oyunları isə martın 4-13-də keçiriləcək.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.