DÜNYA


Pekin İnterpolun sabiq rəhbərini korrupsiyada şübhəli bilir

Bakı, 8 oktyabr, AZƏRTAC

İnterpolun sabiq rəhbəri, Çinin ictimai təhlükəsizlik nazirinin müavini Men Hunvey korrupsiyada şübhəli bilinir.

AZƏRTAC TASS informasiya agentliyinə istinadla xəbər verir ki, Pekin bu ərəfədə Menin qanun pozuntularında şübhəli bilindiyini rəsmən elan edib, dövlət nəzarət komitəsi isə onun barəsində təhqiqata başlayıb. Bundan bir neçə saat sonra İnterpol Men Hunveyin istefaya getdiyini bildirib.

Xatırladaq ki, ötən həftə İnterpolun prezidenti Men Hunveyin Çində yoxa çıxması ilə bağlı Fransada təhqiqat başlamışdı. Onun itkin düşməsi barədə Fransanın Lion şəhərində yaşayan həyat yoldaşı xəbər vermiş və dünya ictimaiyyətini təhqiqata kömək etməyə çağırmışdı. Men yoxa çıxmazdan bir neçə gün əvvəl həyat yoldaşına bıçaqla birgə şəklini göndərərək təhlükədə olduğuna işarə etmişdi.

Hunvey 2016-cı ildən Beynəlxalq polis təşkilatına rəhbərlik edib. Buna qədər o, Çinin İctimai Təhlükəsizlik İdarəsinin nazir müavini, Sahil Mühafizə Xidmətinin direktoru və Dövlət Okean İdarəsinin rəhbəri vəzifəsində çalışıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.