DÜNYA


Pekin Vaşinqtonu Çinin daxili işlərinə qarışmağı dayandırmağa çağırıb

Pekin, 26 fevral, AZƏRTAC

Pekin Vaşinqtonu din bəhanəsi ilə Çinin daxili işlərinə qarışmağı dayandırmağa çağırıb.

AZƏRTAC xəbər verir ki, Çin Xarici İşlər Nazirliyinin rəsmisi Cao Licien ABŞ-ın beynəlxalq din azadlığı uğrunda xüsusi tapşırıqlar üzrə səfiri Səm Brounbəkin Çinin müsəlmanlara qarşı tədbirlər görməsi barədə fikirlərini şərh edərkən belə deyib.

Birləşmiş Ştatlarda bəzi insanların dəfələrlə mənasız ittiham və şayiələrlə çıxış edərək, Çinin etnik harmoniyasını pozmağa və dini azadlıq adı altında Çinin daxili işlərinə müdaxilə etməyə çalışdıqlarını vurğulayan Cao Licien ölkəsinin bütün bunlara etirazını ifadə edib.

"Çin öz vətəndaşlarının dini etiqad azadlığını qoruyur və ölkənin bütün etnik qrupları qanunlara uyğun olaraq tam dini inanc azadlığı əldə edib", - deyən Çin XİN rəsmisi əlavə edib ki, hazırda Sincan Uyğur muxtar rayonunda təxminən 24 min məscid var. ABŞ-dakı məscidlərin sayı Çindəkilərin ondabirindən də azdır.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.