DÜNYA


Pekin məhkəməsi “Xiaofa” robotunu işə götürüb

Bakı, 2 noyabr, AZƏRTAC

“QIHAN” şirkətinin hazırladığı “Sanbot King Kong” robotu Pekin Xalq Məhkəməsində yeni əməkdaş qismində işə başlayıb. “Xiaofa” adlı robot iş yerinin tələblərinə uyğunlaşdırılıb və məhkəmə binasında xidmətlərin göstərilməsi ilə məşğuldur.

AZƏRTAC Rusiya KİV-lərinə istinadən xəbər verir ki, mütəxəssislərin sözlərinə görə, “Xiaofa” 7 mindən çox qayda-qanunu yadda saxlamaqla onları izah edə bilir. Bununla da məhkəmə prosesi, qaydalar və əvvəlki dinləmələr barədə informasiya almaq istəyən insanlara kömək göstərir.

Məlumata görə, boyu 1,5 metr olan robot ona binada hərəkət etməyə və insanlarla ünsiyyət qurmağa imkan verən kamera və mikrofonlarla təchiz olunub. Nitqin tanınması da daxil olmaqla, Robotun intellektual əsasını “IBM Watson” və “Nuance” proqramları təmin edir.

“Xiaofa” robotlarının tətbiqindən həm işi asanlaşan məhkəmə əməkdaşları, həm də gözləmə vaxtı azalan insanlar faydalanır.

Bu il “Xiaofa” robotlarının daha bir neçə Çin məhkəməsində istifadəyə verilməsi nəzərdə tutulur. İstehsalçı “Sanbot King Kong” robotunun işi barədə ətraflı məlumatı yanvarda keçiriləcək “CES 2018” sərgisində təqdim etməyi planlaşdırır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.