DÜNYA


Pekin metropolitenində sərnişinlərin biometrik eyniləşdirilməsi sistemlərindən istifadə ediləcək

Bakı, 20 iyun, AZƏRTAC

Cari ilin sonunadək Pekin metropoliteninin administrasiyası günün pik saatlarında stansiyalarda sərnişin axınını sürətləndirmək üçün sərnişinlərin biometrik eyniləşdirilməsi sistemlərini tətbiq etmək niyyətindədir.

AZƏRTAC “hitech.newsru.ru” saytına istinadən bildirir ki, Çin hökuməti həyatın bütün sahələrində sifətin tanınması sistemlərindən aktiv istifadə edir. Məsələn, ölkədə milli avtomatlaşdırılmış izləmə sisteminin bir hissəsi olan sosial kredit adlandırılan sistem mövcuddur. Süni intellekt elementlərindən ibarət olan sistem böyük məlumatların təhlili ilə məşğul olur. Hazırda sistem internetdə və onun xaricində olan ölkə sakinlərini izləyir və onlar tərəfindən edilmiş pozulmaları qeydə alır. Aşağı sosial kreditə malik insanlar müxtəlif sosial yardımlar alarkən çətinliklərlə üzləşirlər.

Ancaq Pekin metropoliteninin rəhbərliyi biometrik eyniləşdirmə sistemlərini sərnişinlərin öz və digərlərinin vaxtına qənaət etməsi və bilet təqdim etmədən qatardan istifadə etməsi üçün tətbiq etmək niyyətindədir. Belə ki, sadəcə, ovucu skanerə qoymaq kifayətdir. Kameralar isə ənənəvi turniketlərdən keçməyə imkan verəcək, çünki sərnişinləri sifətlərinə görə tanıyacaq.

Hazırda ovuc skanerləri Şanxay metrosunda istifadə olunur.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.