MƏDƏNİYYƏT


Pekində Xalq Rəssamı Tahir Salahovun sərgisi açılıb VİDEO

Pekin, 23 sentyabr, AZƏRTAC

Pekində görkəmli fırça ustası, SSRİ Xalq Rəssamı Tahir Salahovun əsərlərindən ibarət sərgi açılıb.

Hər il keçirilən Pekin İncəsənət Festivalı çərçivəsində müxtəlif ölkələrin tanınmış rəssam, heykəltəraş, dizayner və digər incəsənət adamlarının fərdi və tematik sərgiləri, ustad dərsləri, mühazirə və seminarlar təşkil olunur. Pekindəki “798” incəsənət zonasında təşkil olunan festival təkcə paytaxt deyil, bütövlükdə ölkənin mədəni həyatında əlamətdar hadisə hesab olunur. Builki festivalda çinli sənətsevərlər dünya şöhrətli rəssam Tahir Salahovun yaradıcılığı ilə tanış olmaq imkanı əldə ediblər.

Sərgidə rəssamın müxtəlif janrlarda çəkdiyi 20-yə yaxın əsəri nümayiş etdirilir. İki ölkə arasında mədəni sahədə əməkdaşlığa öz töhfəsini verən sərgi bir ay müddətində davam edəcək. Analoji sərginin Tayvanda da təşkil olunması nəzərdə tutulur.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.