İDMAN


Pele: Braziliya yığmasının komanda hissi yoxdur, Neymar dünya çempionatında təkbaşına qalib gələ bilməyəcək

Bakı, 7 iyun, AZƏRTAC

Braziliya yığmasının sabiq futbolçusu Pele 2018-ci il dünya çempionatında milli komandanın çıxışlarından nələr gözlədiyi barədə fikirlərini bölüşüb.

AZƏRTAC xəbər verir ki, Titeyə tam əmin olduğunu bildirən Pele deyib: “Məni yalnız bir şey narahat edir: dünya çempionatına cəmi bir neçə gün qalır, bizim isə hələ də münasib komandamız yoxdur. Ayrı-ayrılıqda bütün oyunçular yaxşıdır, lakin onlarda komanda hissi yoxdur. Neymar dünyanın ən yaxşı futbolçularından biridir. Hazırda o, daha kamil və təcrübəli futbolçu olsa da, dünya çempionatında təkbaşına qalib gələ bilməyəcək. Belə turnirlərdə yalnız komandalar qalib gəlir. Braziliyanın ən yaxşı komandası 1970-ci ilin komandası olub. O vaxt dünya çempionatında biz 6 aydan artıq birlikdə olduq. Məhz bu səbəbdən hər şey uğurlu alındı”.

Xatırladaq ki, 2018-ci il dünya çempionatının qrup mərhələsində Braziliya yığması İsveçrə, Serbiya və Kosta-Rika komandaları ilə qarşılaşacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.