ELM VƏ TƏHSİL


Peşə Təhsili üzrə Dövlət Agentliyi “Əlaqə mərkəzi təmsilçisi” təliminə qəbul elan edir

Bakı, 17 fevral, AZƏRTAC

Peşə Təhsili üzrə Dövlət Agentliyi fevralın 17-dən “Əlaqə mərkəzi təmsilçisi” təliminə ərizə qəbulu elan edir.

Agentlikdən AZƏRTAC-a bildirilib ki, təlimə seçilmiş iştirakçılar dövlət qurumları, ticarət, xidmət və digər sektorlardan müraciət edənlərin gözlənti, irad və şikayətlərini təqib və təhlil etməyi, eləcə də mümkün həll yollarını öyrənəcəklər. Təlimin məqsədi sözügedən xidmət sahəsində peşəkarlığın yüksəldilməsi, əmək bazarında rəqabətlilik və məşğulluq səviyyəsinin artırılmasıdır.

Ümumilikdə 50 saat olan interaktiv onlayn və praktiki məşğələlərdən ibarət təlimin sonunda kursu müvəffəqiyyətlə başa vuran iştirakçılara sertifikatlar təqdim olunacaq. Təlimə qoşulmaq istəyənlər fevralın 25-dək müraciət edə bilərlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.