ELM VƏ TƏHSİL


Peşə Təhsili üzrə Dövlət Agentliyi: Sürücülük təlimlərinə qeydiyyat davam edir

Bakı, 6 dekabr, AZƏRTAC

Aviasiya və Avtomobil Nəqliyyatı üzrə Bakı Dövlət Peşə Təhsil Mərkəzinin “Prodrive” Peşəkar Sürücülük Məktəbinin sürücülük təlimlərinə qeydiyyat davam edir.

Peşə Təhsili üzrə Dövlət Agentliyindən AZƏRTAC-a bildirilib ki, təlim sürücülük sahəsində 5 ildən çox tədris təcrübəsinə malik Abşeron Binə Peşə Liseyi və 6 nömrəli Bakı Peşə Məktəbində həm nəzəri, həm də praktiki biliklər əsasında təşkil olunacaq. Proqram əsasında aparılan nəzəri dərslər ənənəvi və onlayn formada həftədə 3 dəfə olmaqla tədris ediləcək. Avtomobil sürmə üzrə praktiki dərslər isə mərkəzin hər iki korpusunun xüsusi avtodromlarında mexaniki və avtomatik sürət qutusuna malik avtomobillərdən istifadə edilməklə keçiləcək. Bundan əlavə, peşə təhsili müəssisəsinin müasir avtotrenajor kompleksində yer alan simulyatorlar da təlimə qatılanların istifadəsində olacaq.

Təlimlər ödənişli əsasla aparılacaq. Nəzəri təlim kursunu uğurla bitirən iştirakçılara sürücülük vəsiqəsinin alınması imtahanına təqdim etmək üçün Təhsil Nazirliyi tərəfindən şəhadətnamə veriləcək.

Təlimlərə qatılmaq üçün www.prodrive.az səhifəsi üzərindən qeydiyyatdan keçmək lazımdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.