ELM VƏ TƏHSİL


Peşə Təhsili üzrə Dövlət Agentliyi əməkdaşlığını genişləndirir

Bakı, 10 sentyabr, AZƏRTAC 

Təhsil Nazirliyi yanında Peşə Təhsili üzrə Dövlət Agentliyi ilə “AzerGold” QSC arasında 2020-2021-ci illər üzrə əməkdaşlığa dair Fəaliyyət Planı imzalanıb.

Agentlikdən AZƏRTAC-a bildirilib ki, Fəaliyyət Planı peşə təhsilinin nüfuzunun və cəlbediciliyinin artırılması, əmək bazarında tələb və təklifin uzlaşdırılması, mühəndis-pedaqoji heyətin bilik və bacarıqlarının artırılması, tədrisin təşkili və peşə təhsili müəssisələrinin maddi-texniki bazasının təkmilləşdirilməsi ilə bağlı birgə tədbirlərin həyata keçirilməsini müəyyən edir.

Qeyd edək ki, “AzerGold” QSC-nin yeni mədən layihələrinin icrasının ən fəal mərhələsində - 2025-2029-cu illər ərzində böyük hissəsi texniki peşə təhsilli mütəxəssislər olmaqla 14 minə qədər şəxsin işə cəlb edilməsi nəzərdə tutulur. İxtisaslaşmış peşə sahiblərinə yaranacaq böyük tələbat nəzərə alınaraq tərəflər arasında imzalanan Fəaliyyət Planı çərçivəsində Peşə Təhsili üzrə Dövlət Agentliyinin dəstəyi, “AzerGold” QSC-nin fəal iştirakı ilə ehtiyac duyulan təyinatlar üzrə kadrlar yetişdiriləcək. Birgə əməkdaşlıq fəaliyyətinin nəticəsində peşə təhsilini uğurla başa vurmuş ixtisaslı kadrların təcrübi biliklərə yiyələnməsi və QSC tərəfindən müvafiq sahələr üzrə işlə təmin olunması nəzərdə tutulur.

Xatırladaq ki, Fəaliyyət Planının hüquqi bazasını bu ilin may ayında qurumlar arasında qiymətli və əlvan metal filizi yataqlarının tədqiqi, kəşfiyyatı, qiymətli və nəcib metalların hasilatı, emalı və satışı üzrə ehtiyac duyulan peşə təhsilli ixtisaslı kadrların hazırlanması istiqamətində birgə fəaliyyətlə bağlı imzalanmış Anlaşma Memorandumu təşkil edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.