ELM VƏ TƏHSİL


Peşə mərkəzlərinin mühəndis-pedaqoji heyəti üçün təlimlər

Bakı, 8 may, AZƏRTAC

Qəbələ Dövlət Peşə Təhsil Mərkəzində pilot peşə məktəblərinin mühəndis-pedaqoji heyəti üçün “Traktorların tənzimlənməsi və istifadəsi” mövzusunda təlim keçirilib.

Təhsil Nazirliyindən AZƏRTAC-a bildiriblər ki, beş gün davam edən təlimlər nəzəri və praktik olmaqla iki hissədən ibarət olub. Təlimdə Qəbələ Dövlət Peşə Tədris Mərkəzinin, Qax Peşə Liseyinin, İsmayıllı Peşə Tədris Mərkəzinin mühəndis-pedaqoji heyəti iştirak edib. Layihənin əhatə etdiyi regionlarda fəaliyyət göstərən 10 sahibkarlıq subyektinin mühəndis-texniki heyəti, eləcə də Əmək və Əhalinin Sosial Müdafiəsi Nazirliyinin Göyçay Regional Peşə Tədris Mərkəzinin əməkdaşları təlimlərə qatılıblar.

Təlimlər Avropa İttifaqının maliyyə dəstəyi ilə Almaniya Beynəlxalq Əməkdaşlıq Cəmiyyətinin (GİZ) icra etdiyi “Qəbələ, Qax və İsmayıllı rayonlarında kənd təsərrüfatı və turizm sahəsində duala bənzər peşə təhsili və təlimi pilotlarının yaradılması” (ED VET) layihəsinin dəstəyi ilə həyata keçirilib. Təlimlərin məqsədi pilot peşə mərkəzlərinin mühəndis-pedaqoji heyətini kənd təsərrüfatı sahəsində ən yeni təcrübə, texnika və metodlarla tanış etmək, onların bilik və bacarıqlarını artırmaqdır.

Qeyd edək ki, təlimlər kənd təsərrüfatının fərqli istiqamətləri üzrə (aqroservis, heyvandarlıq və bitkiçilik) davam etdiriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.