CƏMİYYƏT


Peşə təlimində modul tipli yanaşmanın tətbiqinə dair təlim keçirilib

Bakı, 22 aprel, AZƏRTAC

Əmək və Əhalinin Sosial Müdafiəsi Nazirliyi yanında Dövlət Məşğulluq Xidmətinin Məşğulluq mərkəzlərinin müvafiq sahə üzrə fəaliyyət göstərən əməkdaşları, xidmətin Regional Peşə Tədris Mərkəzlərinin, həmçinin Təhsil Nazirliyinin peşə təhsili müəssisələrinin müəllimlərinin iştirakı ilə peşə təlimində modul tipli yanaşmanın tətbiqinə dair təlim keçirilib. Təlim Almaniya Beynəlxalq Əməkdaşlıq Cəmiyyətinin “Cənubi Qafqazda Özəl Sektorun İnkişafı və Peşə Təhsili və Təlimi” regional proqramının dəstəyi ilə təşkil edilib.

Nazirliyin ictimaiyyətlə əlaqələr və kommunikasiya şöbəsindən AZƏRTAC-a verilən məlumata görə, beş gün davam edən təlimdə iştirakçılara kənd təsərrüfatı üzrə “İstixana operatoru” və “İntensiv bağçılıq üzrə işçi” ixtisaslarının tədrisi üçün hazırlanmış səriştə əsaslı kurikulum və təlim modullarının tətbiqinə dair metodologiya öyrədilib. Həmin kurikulum və təlim modulları üzrə hazırlanmış təlim materialları gələcəkdə məşğulluq orqanları tərəfindən işaxtaran və işsiz şəxslər üçün təşkil olunacaq peşə hazırlığı prosesində istifadə olunacaq.

Yekunda iştirakçılara təlim kursunu bitirmələri barədə sertifikatlar verilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.