ELM VƏ TƏHSİL


Peşəkar iqtisadçı ekspertlərin araşdırması “UNEC Ekspert”də

Bakı, 10 iyul, AZƏRTAC

Azərbaycan Dövlət İqtisad Universitetinin (UNEC) təsis etdiyi “UNEC Ekspert” jurnalının növbəti buraxılışı işıq üzü görüb.

Universitetdən AZƏRTAC-a bildirilib ki, jurnalın budəfəki sayında UNEC-in 26 peşəkar iqtisadçı ekspertinin bilik iqtisadiyyatı, sosial biznes, vergilər və beynəlxalq ticarətlə bağlı araşdırmalarına geniş yer verilib. Oxucular “UNEC Ekspert”də qlobal informasiya cəmiyyətinin əsasını təşkil edən bilik iqtisadiyyatı, onun maddiləşməsi prosesi, gələcəyin əmək bazarı, o cümlədən bilik iqtisadiyyatı üzrə ölkələrin reytinqi ilə tanış ola biləcəklər.

Jurnalda vergi yükünün optimallaşdırılması, vergiödəmə mədəniyyətinin formalaşması problemləri, vergiqoyma, kriptoiqtisadiyyat və vergi amnistiyasında dünya təcrübəsi geniş təhlil edilərək oxucuların diqqətinə çatdırılıb. Eyni zamanda, dayanıqlı inkişaf, inklüziv təhsil, sosial biznesə dəstək, sosial biznes startapları ekspert araşdırmalarında öz əksini tapıb.

“UNEC Ekspert”in e-versiyasını linkindən oxumaq mümkündür.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.