İQTİSADİYYAT


“Poçtap” sayəsində 1507 sənəd aidiyyəti üzrə təhvil verilib

Bakı, 2 oktyabr, AZƏRTAC

“Azərpoçt” MMC tərəfindən reallaşdırılan sosial layihə çərçivəsində istifadəyə verilən “Poçtap” xidməti sayəsində indiyədək 1507 sənəd aidiyyəti üzrə təhvil verilib.

MMC-dən AZƏRTAC-a bildirilib ki, “Poçtap” sayəsində itirilmiş sənədlər tapılaraq sahibinə qaytarılır. Bu günə qədər “Azərpoçt”un filial və şöbələrində 1512 sənəd qəbul olunub. Sahibinə çatdırılan sənədlərin sayı 466, aidiyyəti üzrə qurumlara təhvil verilən sənədlərin sayı isə 1041-dir. Hazırda poçt filialları və şöbələrində 5 sənəd sahibini gözləyir.

Sənədini itirən şəxs “Poçtap” xidmətinin “www.pochtap.az” internet səhifəsindən, “169” saylı Çağrı mərkəzindən və ya istənilən poçt şöbəsindən sənədinin tapılıb-tapılmamasını öyrənə, tapılmadığı təqdirdə itirilən sənədlə bağlı elan yerləşdirə bilər. “Poçtap” xidməti çərçivəsində sənədi tapılan şəxslər 1 manat 80 qəpik xidmət rüsumu ödəyərək onu təhvil ala bilərlər. Sənədin poçt müəssisələrində saxlanılma müddəti 30 gündür. Vətəndaş sənədinin öz istəyi ilə hansısa ünvana çatdırılmasını istəyirsə, bu zaman rüsum “Azərekspresspoçt”un xidmət tariflərinə uyğun hesablanır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.