İQTİSADİYYAT


“Pocketbook” layihəsinin təqdimatı keçirilib

Bakı, 10 iyun, AZƏRTAC

İyunun 10-da İqtisadiyyat Nazirliyinin dəstəyi, Azərbaycanda İxracın və İnvestisiyaların Təşviqi Fondunun (AZPROMO) və “SOCAR Turkey”in təşkilatçılığı ilə “PocketBook” layihəsi və saytının təqdimatı, həmçinin sahibkarlarla görüş keçirilib.

AZPROMO-dan AZƏRTAC-a bildirilir ki, tədbirdə rəsmi şəxslərlə yanaşı, müxtəlif sahələrdə fəaliyyət göstərən sahibkarlarda iştirak edib. AZPROMO-nun rəhbəri vəzifəsini icra edən Yusif Abdullayev “Pocketbook” layihəsi müəssisələrin idarə edilməsində, kadrların əmək fəaliyyətinin stimullaşdırılmasında faydalı olacağını vurğulayıb, layihə barədə tədbir iştirakçılarını məlumatlandırıb.

Bildirilib ki, layihə müasir iş dünyasında lazımi bilik və bacarıqların təkmilləşdirilməsi, “İdarəetmə kitabları”ndan hər bir vətəndaşın elektron formatda faydalanması imkanı yaradacaq. Layihəyə daxil olan kitablar marketinq, bazar araşdırması, büdcənin tərtib edilməsi, müştəri xidmətləri, komandanın qurulması, qərarların qəbul edilməsi və s. bilik və bacarıqları əhatə edir. Bundan başqa, ümumilikdə 103 kitabın Azərbaycan dilinə tərcümə olunaraq sayta yüklənəcəyi vurğulanıb. Artıq 3 kitab sayta yerləşdirilib.

Sonda “Pocketbook” layihəsinin təqdimatı keçirilib, müzakirələr aparılıb, suallar cavablandırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.