MƏDƏNİYYƏT
Polad Bülbüloğlu: Şuşada belə festivalların keçirilməsi bizi çox sevindirir
Şuşa, 7 may, AZƏRTAC
Bu gün Şuşada gözəl festival keçirilir. Bu il Şuşada həm də Beynəlxalq “Xarıbülbül” festivalı təşkil olunacaq. Şuşada belə festivalların keçirilməsi bizi çox sevindirir. Biz artıq burada - mədəniyyət paytaxtımız Şuşadayıq.
Bu fikirləri AZƏRTAC-a açıqlamasında Azərbaycanın Rusiyadakı səfiri Polad Bülbüloğlu deyib.
Diplomat bildirib ki, Azərbaycanda gastronomik turizm üçün böyük imkanlar var. O qeyd edib ki, məhz bu cür festivallar Azərbaycanın tanıdılması üçün böyük imkan yaradır.
"Azərbaycanın mətbəxi çox zəngindir, çox gözəldir. Kulinarlarımız bir-birindən dadlı yeməklərlə ölkəmizi bu festivalda təmsil edirlər. Tədbir çox gözəl təşkil olunub. İstərdik ki, bu cür festivallar Şuşada hər il keçirilsin", - deyə Polad Bülbüloğlu bildirib.