CƏMİYYƏT


Poliorqan çatışmazlığından əziyyət çəkən kişiyə həyat yoldaşının böyrəyi köçürülüb

Bakı, 29 noyabr, AZƏRTAC 

Poliorqan çatışmazlığından əziyyət çəkən və ağır vəziyyətdə xəstəxanaya yerləşdirilən kişiyə həyat yoldaşının böyrəyi köçürülüb. Böyrək transplantasiyası əməliyyatını Respublika Müalicəvi Diaqnostika Mərkəzinin (RMDM) böyrək xəstəlikləri və transplantologiya şöbəsinin müdiri, cərrah-uroloq-transplantoloq, tibb üzrə fəlsəfə doktoru Rəşad Şolan icra edib.

RMDM-dən AZƏRTAC-a bildiriblər ki, xəstə böyrəklə yanaşı, kompensasiya formasında qaraciyər çatışmazlığından da əziyyət çəkib. Eyni zamanda, resipiyentin damarları anatomik cəhətdən əməliyyat üçün o qədər də uyğun olmayıb. Vəziyyətin bütün çətinliyinə baxmayaraq əməliyyat uğurla yekunlaşıb. Hazırda köçürülmüş böyrəyin fəaliyyəti qənaətbəxşdir, xəstədə qaraciyər çatışmazlığı da geriləyib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.