CƏMİYYƏT


Polis əməkdaşları Gəncədə silah-sursat aşkarlayıblar

Bakı, 17 fevral, AZƏRTAC

Gəncə Şəhər Baş Polis İdarəsinin post patrul xidməti taborunun əməkdaşları inzibati ərazidə xidmət aparan zaman şəhər ərazisində məişət tullantıları üçün nəzərdə tutulan sahələrin birində silah-sursat aşkarlayıblar.

Daxili İşlər Nazirliyinin mətbuat xidmətinin Gəncə regional qrupundan AZƏRTAC-a bildiriblər ki, dərhal Azərbaycan Respublikası Minatəmizləmə Agentliyinin (ANAMA) əməkdaşları həmin əraziyə dəvət olunaraq müvafiq tədbirlər həyata keçiriblər. Araşdırmalar zamanı oradan “F-1”, “RQD-5” əl qumbaraları, 2 ədəd UZQRM qumbara partladıcısı, müxtəlif kalibrli 96 ədəd avtomat və tapança patronu aşkarlanaraq götürülüb.

Faktla bağlı araşdırmalar davam etdirilir.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.