REGİONLAR


Polis əməkdaşları bu il ilk dəfə məktəbə gedəcək balacalara hədiyyələr veriblər

Cəlilabad, 14 sentyabr, Bağır Əliyev, AZƏRTAC 

Cəlilabad Rayon Polis Şöbəsinin əməkdaşları yeni dərs ilinin başlanması ilə əlaqədar övladları bu il məktəbə gedəcək şəhid və aztəminatlı ailələrə baş çəkiblər.

Daxili İşlər Nazirliyinin Mətbuat Xidmətinin Lənkəran regional qrupundan AZƏRTAC-ın bölgə müxbirinə verilən məlumata görə, polis əməkdaşları birinci sinfə gedəcək uşaqlara məktəbli geyimi, çanta və gündəlik dərs ləvazimatları hədiyyə ediblər.

Polis işçilərinin bu nəcib hərəkəti hədiyyə alan uşaqlarla bərabər, onların valideynlərini də sevindirib.

Valideynlər onlara göstərilən diqqət və qayğıdan məmnunluqlarını ifadə edərək, polis işçilərinə minnətdarlıqlarını bildiriblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.